முந்தைய பகுதி: பாகம் 1

மறுநாள் காலை,  வழக்கம் போல் பெர்டெல்லா வெளியில் சென்றிருப்பான் என யூகித்த ப்ரைஸன், சிகரெட் லைட்டரால் கழுத்தில் மாட்டியிருந்த நாய் பெல்ட்டின் கயிற்றை எரிக்க தொடங்கினான். கொஞ்ச நேரத்தில் நாய் பெல்ட் கயிறு எரிந்து அறுந்து விட, சைக்கோவிடம் சிக்கி சாவதை விட நிர்வாணமாக ஓடி தப்பிப்பதே மேல் என தன் ஆடைகளை கூட தேடாமல், வேகமாக எழுந்து அறையின் ஜன்னல் அருகே ஓடியவன் ஜன்னல் கண்ணாடியை உடைத்து வெளியில் குதித்தான்.
 
ப்ரைஸன் சொன்னதை கேட்டதும், பயத்தில் பேண்டெல்லாம் லூஸானது போலிஸாருக்கு. மெக்கன்ஸி வீட்டிலிருந்த படியே அருகில் இருந்த பெர்டெல்லா வீட்டையே பார்த்துக் கொண்டிருந்தனர். மதியம் ரெண்டு மணிபோல் சனிக்கிழமை செல்ல குட்டிகளை வைத்து ஒரு மேட்னி ஷோ ஓட்டலாம் என்ற எண்ணத்தில் வழக்கத்தை விட சீக்கிரமாகவே விட்டிற்கு விஜயம் செய்தான் பெர்டெல்லா. வெல்கம் டூ கிரிகாலன் மேஜிக் ஷோ என கொத்தாக பெர்டெல்லாவை கொத்திய போலிஸ், கதவை திறடா கபோதி என்றார்கள்.

போலிஸிற்கு பின்னால் நின்ற ப்ரைஸனை விட அவன் ஆடை அணிந்திருந்தது பெர்டெல்லாவிற்கு கடும் கோபத்தை கொடுத்தது. பேசினால் போலிஸ் பொடனியில் போட்டு பொளந்து விடுவார்கள் என்ற பயத்தில் நவ துவாரங்களையும் பொத்திக் கொண்டு தன் வீட்டு கதவை திறந்தான் பெர்டெல்லா.

வீட்டிற்குள் ப்ரைஸன் சொன்னதை விட வெரைட்டி வெரைட்டியாக, வகை வகையாக, வில்லங்க வில்லங்கமாக பெர்டெல்லாவின் விளையாட்டு சாமான்கள் போலிஸை வெல்கம் பண்ணினார்கள்.

முதலில் ப்ரைஸன் கட்டி வைக்கப்பட்டிருந்த மாடி அறையை சோதனையிட்ட போலிஸை பார்த்து பல் இளித்தன பெர்டெல்லாவின் செல்லகுட்டிகளான ரத்த கறை படிந்த சுத்தியல், ரம்பம், கொறடு, கரண்ட் ஷாக் கொடுக்கும் வயர்கள், வெவ்வேறு நீளத்தில் பல கயிறுகள், மெடிசன் ட்ரே ஒன்றில் அழகாக அடுக்க்கி வைக்கப்பட்டிருந்த சிரிஞ், போதை மருந்துகள். பெத்தடின், பல பெயர் தெரியாத மருந்துகள், என போலிஸ் கைப்பற்றிய பொல்லாத ஆயுதங்களின் பட்டியல் ரொம்ப லெந்தாக போய்க் கொண்டிருந்தது.

ப்ரைஸன் உருட்டியது கதையல்ல நிஜம் என்பதை உறுதிப்படுத்திக் கொண்ட போலிஸ் பெர்டெல்லாவின் வீட்டை சல்லடை போட்டு துழாவ தொடங்கினர்.

ஹால் ஷெல்பில் ஒரு மண்டை ஓடு, தோட்டத்தில் ஒரு மண்டை ஒடு, ப்ரிட்ஜிக்குள் ப்ரஷாக மற்றும் அழுகிய நிலையில் சில கை, கால்கள், பாத்ரூம் சுவர் முழுதும் காய்ந்த ரத்த கறைகள், கிச்சன் ஷெல்பில் சில காய்ந்து கருகி போன சதை துண்டுகள், வீட்டின் மூலைகளில் ஆங்காங்கே முதுகெலும்பு மற்றும் விலா எழும்பு துண்டுகள். வெவ்வேறு சைஸ்கள் ஸ்டைல்களில் கிடைத்த பல கத்திகளில் இன்னும் காயத ரத்த கறைகள் மற்றும் சதை துண்டுகள். என ஒரு முழுநீள கசாப்பு கடைக்குள் நுழைந்தது போல் போலிஸார் தலை சுற்றி மயக்கம் போடாத குறையாக தேடிக் கொண்டிருந்தனர்.

எல்லாவற்றிற்கும் மேலாக பெர்டெல்லா தான் இதுவரை செய்த வரலாற்று சிறப்புமிக்க சம்பவங்களையும் தனது டைரியில் சித்ரவதை செய்து கொன்றவர்களின் விலாவை உடைத்தது முதல் துண்டு துண்டாக கொத்துகறி போட்டது வரை ஒன்றுவிடாமல் விலாவரியாக எழுதி வைத்திருந்தான். அந்த டைரியுடன் பெர்டெல்லாவின் கேமராவையும் அதனுடன் இருந்த 334 போட்டோக்களையும் கைப்பற்றினார்கள் போலிஸ். 

போட்டோக்களில் ப்ரைஸன் உட்பட பல இளைஞர்கள் டார்ச்சர் செய்யும்பொழுது கதறி அழுவதும், இறந்த பின் துண்டு துண்டாக வெட்டப்பட்டு கிடப்பதும் பதிவாகியிருந்தன. 'த கனாஸ் சிட்டி ஸ்டார்' என்ற லோக்கல் நியூஸ் பேப்பரில் வெளிவந்திருந்த இளைஞர்கள் காணாமல் போன செய்திகளை வெட்டி அடுக்கி டைரிக்குள் வைத்திருந்தான் பெர்டெல்லா. அத்தனை பேரும் பெர்டெல்லாவால் பொளக்கப்பட்டு பரலோகம் போனவர்கள்.

போலிஸிற்கு பெர்டெல்லாவிடம் பேச வேண்டிய அவசியமே இல்லாமல் போனது, பெர்டெல்லா பேச வேண்டியதையெல்லாம் அவனது போட்டோக்களும் டைரியுமே பேசி விட்டன. 
கனாஸ் சிட்டி போலிஸ் டிபார்ட்மெண்ட் 11 டிடக்டிவ்கள் கொண்ட ஸ்பெஷல் டீமை உருவாக்கி பெர்டெல்லாவின் வண்டவாளம் தண்டவாளங்களை தோண்டி துருவினார்கள்.

ராபர்ட் ஆண்ட்று பெர்டெல்லா என்ற பெர்டெல்லா 1949ம் ஆண்டு ஜனவரி 31 திகதி பிறந்தான். பெர்டெல்லாவின் அப்பா புகழ்பெற்ற போர்ட்     மோட்டர் கம்பெனியில் மெக்கானிக்காக வேலை பார்த்தார், படிப்பில் படு சுட்டியானா பெர்டெல்லாவிற்கு சிறுவயதில் இருந்தே திக்கு வாய், கிட்டபார்வை மற்றும் ப்ளட் ப்ரஷர் குறைபாடுகள் இருந்தன, சக மாணவர்கள் பெர்டெல்லாவின் திக்கு வாய் மற்றும் பார்வை குறைப்பாட்டால் பெர்டெல்லா அணிந்திருந்த தடிமனான கண்னாடியை வைத்து அடிக்கடி பெர்டெல்லாவை கிண்டல் செய்துள்ளனர். அதனால் நண்பர்களுடன் சேர்ந்து விளையாடுவதை தவிர்த்து புத்தகங்கள் படிப்பது, ஓவியம் வரைவது, கலை பொருட்கள் சேகரிப்பது போன்றவற்றில் ஈடுபாடு காட்டினான் சிறுவன் பெர்டெல்லா. 

விளையாட்டு போட்டிகளை அதிகம் விரும்பும் பெர்டெல்லாவின் அப்பா, பெர்டெல்லாவை சோம்பேறி என சொல்லி அடிக்கடி பெல்ட்டால் அடித்து துன்புறுத்தியுள்ளார். நண்பர்களின் கேலி, கிண்டல், தந்தையின் டார்ச்சர் எல்லாம் சேர்ந்து சிறுவன் பெர்டெல்லாவை முழுவதுமாக தனிமையில் தள்ளி விட்டன. தனிமையில் சிறுவன் பெர்டெல்லா தான் சந்திக்கும் பறவைகள் விலங்குகளுடன் நேரத்தை செலவிட்டான். தந்தையிடம் அடி வாங்கி அழுது கொண்டிருக்கும் பொழுது ஏதேனும் பறவை விலங்கு பெர்டெல்லாவிடம் சிக்கினால் தந்தை மேல் உள்ள கோபததை அந்த பறவை அல்லது விலங்கை கொத்து கறி போட்டு குதறி தீர்த்துக்கொண்டான்.

 
பெர்டெல்லாவின் 16வது வயதில் அவன் தந்தை ஹார்ட் அட்டாக்கால் இறந்து போக, அவன் அம்மா இரண்டாம் திருமணம் செய்து கொண்டார். பெர்டெல்லா தன் தாய் தனது அப்பாவிற்கு துரோகம் செய்து விட்டதாக சொல்லி தாயின் வீட்டிற்கு செல்வதை தவிர்த்து நண்பர்களுடன் தங்க தொடங்கினார். இந்த காலகட்டத்தில்தான் பெர்டெல்லா தான் ஒரு கே அதாவது ஓரின சேர்க்கையாளன் என்பதை உணர்கிறான். பெர்டெல்லாவிற்கு ஆண்களின் மேல் பாலின ஆசைகள் வந்தன, பெண்களிடம் பேசுவதை கூட அவன் விரும்பவில்லை. 

தான் ஒரு 'கே' (ஓரினச் சேர்க்கையாளர்) என்பதால் தாழ்வு மனப்பான்மையுடன் யாருடனும் நேரில் பேசுவதற்கு கூச்சப்பட்ட பெர்டெல்லா, 'பென் ப்ரண்ட்ஸ்' அதாவது 'பேனா நண்பர்கள்' என நேரில் அறிமுகம் இல்லாத முகம் தெரியாத நண்பர்களுடன் கடிதம் மூலம் தொடர்பு வைத்துக் கொண்டான். ஆண்கள் மேலான தன் ஆசா பாசங்களை தன் பேனா நண்பர்களிடம் கடிதம் மூலம் பகிர்ந்து கொண்டு திருப்தி அடைந்தான். பெர்டெல்லாவின் பேனா நண்பர்கள் பலர் ஆப்ரிக்க, வியட்நாம், பர்ம என உலகின் பல்வேறு நாடுகளில் இருந்தனர். அவர்களில் சிலர் அமெரிக்காவிற்கு வந்த போது பெர்டெல்லாவை நேரில் சந்தித்தனர்.

- தொடரும் -

அடுத்த பகுதி: பாகம் 3 - வீடியோ