முந்தைய பகுதி: பாகம் 1

கவிதையை படித்தபடி சகாவை நோக்கி வந்த ஹார்ட்வெல்ட் வழக்கமான எல்லையை தொட்ட பின், மீண்டும் திரும்பி எதிர் திசையில் நடந்தபடி கவிதையை படித்தாள், பல்லை கடித்துக் கொண்டு படபடப்போடு எழுந்த சகாவா வேகமாக ஹார்ட்வெல்ட்டின் பின்னங் கழுத்தில் புல்லட்டை இறக்கினான். கதறி துடித்தபடி ஹார்ட்வெல்ட் தரையில் விழுந்து துடி துடிக்க, ரத்தம் ஆறாக பீறிட்டு கொட்டியது.

ரத்தத்தையும் ஹார்ட்வெல்ட்டின் துடிப்பையும் பார்த்த சகாவாவிற்கு பயத்தில் பாடி தாங்காமல் ப்ளட்  பிரஷர் பொடறிக்கு ஏறி, படாரென மயக்கம் போட்டு தரையில் விழுந்தான். ரத்த வெள்ளத்தில் ஹார்ட்வெல்ட் துடிதுடித்து உயிருக்கு போராடிக் கொண்டிருக்க, எதிரில் சலனமற்று மயங்கி கிடந்தான் சகாவா.

இது சகாவாவிற்கு முதல் முறை அல்ல, இதற்கு முன் 1970ம் ஆண்டு, டோக்யோவில் வாக்கோ யுனிவர்ஸிட்டியில் படித்துக் கொண்டிருந்தபொழுது 24 வயது சகாவ தங்கியிருந்த வீட்டிற்கு அருகில் குடியிருந்த, பெர்த்தா அடேல் என்ற 28 வயது ஜெர்மன் பெண்ணின் அழகில் மயங்கினான் சகாவா. சிறு வயது முதல் அடி மனதில் குடி கொண்டிருந்த ஐரோப்ப பெண்ணை அவித்து தின்னும் ஆசை சகாவாவின் மூளையில் மின்னல் அடித்தது.

கும்மென்று இருந்த பெர்த்தா அடேலை அவித்து தின்றால், தன் அழகுக்கு அழகு கூடிவிடும் என முடிவு செய்தான். பெர்த்தா அடேலின் தினசரி நடவடிக்கைகளை உளவு பார்த்து விவரங்களை சேகரிக்க தொடங்கினான். என்ன பிரச்சினயோ ஜெர்மனியில் இருந்து பிழைப்பு தேடி ஜப்பானுக்கு வந்திருந்த பெர்த்தா, தனியாக தங்கியிருந்தாள். அவள் வெளியில் செல்லும், நேரம், வீட்டில் இருக்கும் நேரம், யார் யாரெல்லாம் வீட்டிற்கு வருகிறார்கள், வெளியில் சென்றால் யாரை பார்க்கிறாள், என்ன திங்குறாள் எத்தனை மணிக்கு வெளிக்கு போறாள் என மொத்த டீட்டெயிலையும் பட்டியலிட்டவன். தன் தாக்குதலுக்கு தோதான தேதி ஒன்றை முடிவு செய்து பெர்த்தாவின் வீட்டிற்குள் புகுந்தான்.

பதுங்கி பதுங்கி பெர்த்தாவின் பெட் ரூமிற்குள் நுழைந்தவன் பதட்டத்தில் எதையோ தட்டிவிட, தூக்கம் தொலைத்த பெர்த்தா பக்கத்து நாடு சீனாவிற்கு கேட்குமளவிற்கு கத்தி கூச்சலிட்டாள். 

அவ்வளவுதான், சகாவாவின் ராஜ தந்திரங்கள் அத்தனையும் வீணாகிப் போனது. தெறித்து ஓட பார்த்தவனை, பெர்த்தாவின் சத்தம் கேட்டு ஓடிவந்த, அக்கம் பக்கத்தினர் அமுக்கி பிடித்து போலிஸில் ஒப்ப்டைத்தனர். பெர்த்தா அடேலை கற்பழிக்க முயன்ற குற்றத்திற்காக கைது செய்யப்பட்டான் சகாவா.

அப்பா அகிராவின் பணம் பெர்த்தா அடேலின் வாயை அடைக்க, செல்வாக்கு ஜப்பான் போலிஸின் கையையும் கன்றோல் செய்தது. மொத்தத்தில் கற்பழிப்பு முயற்சி கேஸில் இருந்து தப்பித்தான் சகாவா. ஆனால் அவன் பெர்த்தாவை பொறித்து தின்னும் எண்ணத்தில்தான் அங்கு சென்றான் என்ற உண்மை தெரிந்திருந்தால் ஜப்பான் போலிஸ் அன்றே சகாவாவை சாகடித்திருப்பார்கள். இன்று ஹார்ட்வெல்ட்டின் உயிர் அநியாயமாக பறி போய் இருக்காது.

கடவுளா? சாத்தானா? ஒரே இரவில் 918 மனிதர்களை கொன்ற மத போதகர். - ஜிம் ஜோன்ஸ் 1

பணத்தை கட்டிவிட்டு பொண்டாட்டியை கூட்டி செல் - சேலத்தில் கொடூர கந்து வட்டி கொடுமை

ஆம், பின்னங்கழுத்தில், சகாவாவின் துப்பாக்கி புல்லட்டை வாங்கி ரத்த வெள்ளத்தில் துடிதுடித்துக் கொண்டிருந்த ஹார்ட்வெல்ட்டின் ஹார்ட் கொஞ்சம் கொஞ்சமாக துடிப்பதை நிறுத்தி, நிமிடங்கள் பல கடந்திருந்தது. உயிர் போக தேவையான அளவு ரத்தம் வெளியேறியிருக்க சடலமாக சரிந்து கிடந்தாள் ஹார்ட்வெல்ட். மெல்ல மயக்கம் தெளிந்து கண் விழித்து பார்த்தான் சகாவா.  

பின்வரும் அத்தனையும் சகாவா தன் வாக்குமூலத்தில் சொன்னவை சொன்னபடியே சொல்லப்பட்டுள்ளன.

கண் முன் மங்கலாக ஹார்டெல்ட்டின் சடலம் தெரிய, தன்னை நம்ப முடியாமல் கண்களை கசக்கி தெளிவாக பார்த்தான் அப்பாடா கடைசியில் நாம் நினைத்தபடி, ஐரோப்பிய அழகியின் உடல் கிடைத்து விட்டது, வறுத்து வயிற்ற்குக்குள் இறக்க வேண்டியது மட்டும்தான் பாக்கி என நாக்கில் எச்சில் ஊற, கொஞ்ச நேரம் ஹார்ட்வெல்ல்டின் உடலையே பார்த்துக் கொண்டிருந்தான். திடீரென என்ன நினைத்தானோ, வேகமாக எழுந்து ஹார்ட்வெல்ட்டின் ஆடைகளை களைந்து அவளது சடலத்தை நிர்வாணப்படுத்தி கற்பழிக்க தொடங்கினான். மிருகத்தனமாக ஹார்ட்வெல்ட்டின் உடலை கசக்கி பிழிந்தவன் வெறியுடன் அவளது கழுத்தில் கடித்து சதையை இழுத்து பார்த்தான் ஆனால் அவனால் சதையை பிய்த்து எடுக்க முடியவில்லை. போராடிபார்த்த்தான், முடியவில்லை. பிறகு பார்த்துக் கொள்ளலாம் என காட்டுமிராண்டிதனமாக கற்பழிப்பு கண்றாவியில் கவனம் செலுத்த தொடங்கினான்.

ஆசை தீர பிணத்துடன் புணர்ந்தவன் பின் அசதி தீர குளித்தான். சாகவாசமாக கிச்சனில் இருந்து கத்திகளை எடுத்து வந்து, கண்ணா, காதா, மூக்கா, எங்கு தொடங்கி எங்கு முடிப்பது என தெரியாமல் முழி பிதுங்கியவன், சரி முதலில் சதையில் இருந்து தொடங்குவோம் என ஹார்ட்வெல்ட்டின் சதை மிகுந்த மார்பகங்களை வெட்டி எடுத்தான். 

மாணவிகளுக்கு பாலியல் தொல்லை. பேராசிரியை நிர்மலா தேவிக்கு 10 ஆண்டு சிறை தண்டனை.

நிர்வாண திருமணம்! 29 ஜோடிகளின் அதிரிபுதிரி கல்யாண கலாட்டா!

இஸ்ஸே ஸகாவா பற்றிய ஜப்பான் புத்தகம்

தனக்கு தேவையான அளவு போக மீதியை ப்ரிட்ஜில் வைத்து விட்டு, ஹார்ட்வெல்ல்டின் சதையை சமைத்து சாப்பிட்டான். பொழுது போகாமல் பொணத்தையே பார்த்துக் கொண்டிருந்தவன், போரடிக்கிறதே என்ன செய்யலாம் என யோசித்தான். மீண்டும் கத்திகளை எடுத்து தன் அமெச்சூர் ஆப்ரேஷனை தொடங்கினான். இந்த முறை ஹார்ட்வெல்ட்டின் தோலை உரிக்க தொடங்கினான், முக்கி முக்கி முயன்றும் முடியவில்லை, இது சரி வராது என தோல் உரிப்பதில் தோல்வியை ஏற்றுக் கொண்டு, ஆல்ரெடி அனுபவப்பட்ட சதை வெட்டும் சங்கதியில் இறங்கினான். உடலில் இருந்த சதைகளை மட்டும் வெட்டி ப்ரிட்ஜிக்குள் அடுக்கியவன், அவ்வப்பொழுது ஹார்ட்வெல்ட்டின் உடலை போட்டோ எடுத்தான். முடிந்தவரை சதைகளை வெட்டி எடுத்து விட்டு,  மிச்ச மீதி உடம்பை அப்படியே போட்டு விட்டு அசதியில் தூங்கி போனான். 

காலை எழுந்தான் ப்ரிட்ஜை திறந்தன். கொஞ்ச சதைகளை எடுத்தான், சமைத்தான் சாப்பிட்டான். சாய்ந்து படுத்தான். மதியம் எழுந்தான். ப்ரிட்ஜை திறந்தான் கொஞ்ச சதைகளை எடுத்தான். சமைத்தான் சாப்பிட்டான் சாய்ந்து படுத்தான். இரவு எழுந்தான். பிரிட்ஜை திறந்தான்.... இப்படியே சனி, ஞாயிறு, திங்கள் என மொத்தம் மூன்று நாட்களுக்கு ஹார்ட்வெல்ட்டின் சதைகளை அவித்து, பொறித்து, வறுத்து என  வெரைட்டீ வெரைட்டியாக வேக வைத்து சாப்பிட்டான். அவ்வப்பொழுது அழகு கூடியிருக்கிறதா என கண்ணாடியில் தன் கட்டுடலை பார்த்து கன்பார்ம் பண்ணிக் கொண்டான்.

- தொடரும் -

அடுத்த பகுதி: பாகம் 3